Meta Platforms Inc, kompania mëmë e Facebook, të shtunën tha se do t’i jepte fund disponueshmërisë së përmbajtjes së lajmeve për kanadezët në platformat e saj nëse Akti i Lajmeve Online miratohet në formën e tij aktuale.
“Akti i lajmeve në internet”, ose projektligji C-18 i Dhomës së Komunave, i prezantuar në prill të vitit të kaluar përcaktoi rregulla për të detyruar platformat si Meta dhe Google, e cila është nën pronësi të Alphabet Inc, të negociojnë marrëveshje tregtare dhe të paguajnë botuesit e lajmeve për përmbajtjen e tyre.
“Një kuadër legjislativ që na detyron të paguajmë për lidhjet ose përmbajtjet që nuk postojmë dhe që nuk janë arsyeja pse shumica dërrmuese e njerëzve përdorin platformat tona, nuk është as i qëndrueshëm dhe as i zbatueshëm”, tha një zëdhënës i Meta si arsye për të pezulluar qasjen e lajmeve në vend.
Lëvizja e Metës vjen pasi Google muajin e kaluar filloi testimin e censurës së kufizuar të lajmeve si një përgjigje e mundshme ndaj projektligjit.
Industria e mediave kanadeze të lajmeve i ka kërkuar qeverisë për më shumë rregullime të kompanive të teknologjisë për të lejuar industrinë të rikuperojë humbjet financiare që ka pësuar gjatë viteve pasi gjigantët e teknologjisë si Google dhe Meta fitojnë vazhdimisht një pjesë më të madhe të tregut të reklamave, transmeton Telegrafi.
Reuters e parashtroi një kërkesë në lidhje me lëvizjen e Meta për ndalimin e qasjes në lajme në këtë vend, por që Departamenti i Trashëgimisë Kanadeze nuk u përgjigj. Vitin e kaluar Facebook ngriti shqetësimi mbi projektligjin dhe paralajmëroi se mund të detyrohet që të bllokojë shpërndarjen e lajmeve në platformën e saj.
Shpërndaje në
SONDAZH
Loading ...
