Kryetari i Kuvendit, Glauk Konjufca, ka pritur sot në takim Ambasadorin e Mbretërsisë së Bashkuar në Kosovë, Jonathan Hargreaves.
Në këtë takim, ata kanë diskutuar rreth situatës pazgjedhore në vend, saktësisht formimin e qeverisë e konstituimin e Kuvendit, shkruan Reporteri.net.
Ata kanë folur edhe për çështjen e sigurisë dhe stabilitetit rajonal, por edhe për atë në nivel më të gjerë.
Konjufca ka theksuar se Mbretëria e Bashkuar mbetet një aleat kyç për Kosovën, në aspiratat e saj të integrimeve dhe zhvillimit të gjithanshëm, e në të njëjtën kohë edhe në rrafshin gjeopolitik.
