Numërimi i votave të shtetasve të Kosovës që votuan nëpër përfaqësitë diplomatike është ende duke vazhduar.
Nga rezultatet e deritashme, kjo është dhjetëshja më e votuar e Partisë Demokratike të Kosovës.
Përditësimi më i fundit tregon se kandidati për kryeministër, Bedri Hamza, ka marrë 369 vota, duke u renditur i pari, ndërsa kryetari i PDK-së, Memli Krasniqi, ka arritur 220 vota.
Sekretarja e Përgjithshme e PDK-së, Vlora Çitaku, ka marrë 168 vota.
I katërti është Enver Hoxhaj, me 128 vota, vetëm një më shumë se Uran Ismaili.
Ragip Xhaka, kandidat i PDK-së për deputet nga Diaspora, ka siguruar 108 vota.
Në dhjetëshen më të votuar të PDK-së janë edhe tre kandidatë të rinj që do të hyjnë për herë të parë në Kuvend: Artan Behrami me 108 vota, Sala Jashari me 98 dhe Përparim Gruda me 94 vota.
Një votë më pak se Gruda ka marrë Ganimete Musliu.
Për momentin, janë numëruar 67.44% të votave në përfaqësitë diplomatike.
