Ish-presidenti i Kosovës Hashim Thaçi ditën e djeshme ka qëndruar për vizitë tek babai i tij i sëmurë i shtrirë në Klinikën Interne të QKUK-së.
Zëdhënësi i Dhomave të Specializuara të Kosovës, Michael Doyle të enjten në konferencën e rregullt me gazetarë ka thënë se për arsye humanitare bindëse, Trupi Gjykues dhe Gjykatësja e Procedurës Paraprake udhëzuan Zyrën Administrative të mundësojnë vizitën si i paraburgosur të Hashim Thaçit në Kosovë për t’u takuar me babain e tij.
“Në tërësi, kjo është vizita e 13-ë nën ruajtje e një të paraburgosuri në Kosovë e mundësuar nga Zyra Administrative për arsye humanitare”, tha ai.
Ish-presidenti i Kosovës, Hashim Thaçi qëndroi në Kosovë të enjten, për herë të tretë që nga 5 nëntori i vitit 2020 kur u arrestua nga Gjykata Speciale vizitoi Kosovën.
Ai erdhi edhe ditën e djeshme për të njëjtën arsye, vizitë prindërve të sëmurë rëndë.
Thaçit iu lejua vizita te i ati pas dy refuzimeve e nën masa të rrepta sigurie.
Thaçi për tri orë qëndroi pranë babait që po lëngon nga një sëmundje e rëndë, Për vizitën e Thaçit në Kosovë, nga Dhomat e Specializuara në Hagë thanë për Gazetën Online Reporteri.net se arsyeja e lejimit ishte bindëse humanitare.
“Për arsye humanitare bindëse, Trupi Gjykues dhe Gjykatësja e Procedurës Paraprake kanë udhëzuar Zyrën Administrative që të menaxhojë një vizitë nën mbikqyrje në Kosovë të Hashim Thaçit për ta takuar babain e tij. I akuzuari mbetet në paraburgim të Dhomave të Specializuara”, kishte thënë zëdhënësi i Dhomave të Specializuara në Hagë, Michael Doyle për Reporteri.net.
