Posta e Kosovës ka nisur shpërndarjen e gjobave digjitale për shkeljet e trafikut, një iniciativë që synon rritjen e sigurisë dhe përgjegjësisë në rrugë, me ç’rast ky sistem i ri sipas tyre e bën procesin më të shpejtë dhe më të thjeshtë për qytetarët, duke ofruar mundësi të përshtatshme për realizimin e pagesave.
Siç njofton posta, gjobat dërgohen drejtpërdrejt në adresat e qytetarëve, duke e lehtësuar procedurën dhe duke ofruar mundësi fleksibile për të paguar.
“Posta e Kosovës ka nisur shpërndarjen e gjobave digjitale për shkeljet e trafikut, një iniciativë e rëndësishme që rrit sigurinë dhe përgjegjësinë në rrugë. Ky hap modernizues e bën procesin më të shpejtë dhe më të thjeshtë për qytetarët, duke siguruar një menaxhim efikas të detyrimeve të tyre. Gjobat dërgohen drejtpërdrejt në adresat e qytetarëve, duke ofruar një mundësi më të përshtatshme dhe më të thjeshtë për të realizuar pagesat.”, thuhet në njoftimin e Postës së Kosovës.
“Për më tepër, qytetarët mund të paguajnë gjobat në çdo zyrë postare të Postës sē Kosovës, duke u dhënë fleksibilitet dhe komoditet. Ky shërbim inovativ mbështet angazhimet e Policisë së Kosovës dhe të komunave, duke kontribuar në një trafik më të sigurt dhe një mjedis më të rregullt. Ky është një hap përpara në krijimin e një infrastrukture më të sigurt dhe më të besueshme për të gjithë qytetarët.”, thuhet mes të tjerash.
