Samsung Electronics njoftoi sot një mision të guximshëm dhe të jashtëzakonshëm, të lëshojë Galaxy S10 5G në atmosferë për t’i dhënë konsumatorëve mundësinë të bëjnë një selfie me sfondin më fantastik: Planetin Tokë. Ata do të jenë në shoqëri të mirë, pasi aktorja, modelja dhe filantropja Cara Delevingne është shpallur si imazhi i misionit të Samsung ‘SpaceSelfie’.
Samsung Electronics njihet për fushatat e guximshme të marketingut dhe sot po ngre standartin më shumë se kurrë më pare. #SpaceSelfie është fushata e parë e nisur në Evropë nën drejtimin e Drejtorit të ri të Marketingut për Samsung Europe, dhe celebron shpirtin pionier dhe angazhimin e pandalshëm të Samsung për të bërë të pamundurën, të mundur.
Cara njoftoi fushatën në Instagramin e saj në një zbulim të misionit prapa-skenave, me ndihmën e një vizitori të papritur – Astronautit SpaceSelfie të Samsung. Astronauti i dorëzoi modeles një Galaxy S10 5G për të shkrepur SpaceSelfie-in e parë në botë, e cila do të zbulohet gjatë një ngjarje plot me yje më 23 tetor në hapësirën e përvojave Samsung KX të sapo hapur.
Për pesë dekadat e fundit, Samsung u ka ofruar konsumatorëve risitë më të fundit në teknologjinë e ekranit: nga televizorët e lakuar, deri në ekranet e dyfishta dhe smartphone të palosshëm. Tani, duke punuar së bashku me partnerin e hapësirës ajrore, Flightline Films, Samsung po çon teknologjinë e tij deri në skajet e hapësirës.
SpaceSelfie është nisma më ambicioze e marketingut që Samsung ka ndërmarrë ndonjëherë, duke ndërthurur ekspertizën e saj në komunikim me risi të udhëhequra nga përvoja, për të rrëmbyer zemrat dhe mendjet e konsumatorëve në një fushatë masive, përtej kësaj bote. Nisma e jashtëzakonshme teknologjike e Samsung do të ngrejë një S10 5G në stratosferë duke përdorur një tullumbace heliumi me super presion. Konsumatorët do të kenë mundësinë të marrin vetë SpaceSelfie e tyre duke ngarkuar një fotografi në faqen e web-it ‘Mission Control’ të Samsung: www.samsung.com/spaceselfie.
Imazhet do të zgjidhen më pas në mënyrë të rastësishme, të shfaqura në ekranin Dynamic AMOLED 6.7 inç të S10 5G dhe do të realizohen duke përdorur një pamje unike të planetit Tokë si sfond. Kjo foto do të dërgohet përsëri në tokë që dërguesi ta ndajë në mediat sociale.
Me SpaceSelfie, Samsung po demonstron frymën pioniere të markës dhe po vendos një standard të ri për potencialin e teknologjisë celulare. Me mbi 200 orë buzë atmosferës së botës, S10 5G do të tregojë fuqinë e inovacionit të Samsung dhe si ai vazhdon të hartojë produkte që bëjnë atë që mendohej më parë e pamundur, të mundur.
Pionierja e SpaceSelfie Cara Delevingne
Delevingne është gjithashtu e apasionuar pas thyerjes së kufijve dhe ndarjes së sinqertë të jetës së saj profesionale dhe personale me ndjekësit. Ajo është personi i përsosur për të qenë pionierja e SpaceSelfie të Samsung, duke frymëzuar të tjerët që të përfshihen në këtë epokë të re të hulumtimit të hapësirës dhe mediave sociale.
Cara Delevingne tha: “Më pëlqen shumë ideja e udhëtimit në hapësirë dhe mezi pres të drejtoj misionin SpaceSelfie të Samsung dhe të bëhem personi i parë që dërgon një selfie në hapësirë. Unë tashmë po planifikoj se si ta bëj këtë selfie-n më epike që kam bërë ndonjëherë dhe mezi po pres të shoh se si ndjekësit e mi interpretojnë sfidën për të çuar fytyrën e tyre në hapësirë. ”
Si do të funksionojë misioni Samsung SpaceSelfie?
Logjistika pas këtij projekti është mbresëlënëse. Një tullumbace me presion të lartë sa gjysma e madhësisë së një topi basketbolli (10.5mx 18m) do të ngjitet nga një pistë nisje në Dakotën e Jugut në SH.B.A., me një kuti bespoke që mban S10 5G, për të arritur deri në 20,000 m.
Ngarkesa është projektuar për të siguruar realizimin e fotografive me cilësinë më të mirë duke faktorizuar lakimin e tokës dhe dritën reflektuese nga dielli, energjia diellore e së furnizon si ngarkesën, ashtu dhe S10 5G.
Në tokë, konsumatorët kanë një shans për të marrë një foto të tyre në hapësirë duke shkreput një selfie me smartphone-in e tyre dhe duke e ngarkuar atë në faqen e internetit të Mission Control.
Dy aplikacione me udhëzime u zhvilluan për të lehtësuar SpaceSelfie. I pari është një aplikacion i kontrollit tokësor, i krijuar posaçërisht për të dërguar dhe marrë selfie midis Mission Control dhe ngarkesës.
I dyti është një aplikacion i dizajnuar për S10 5G që komunikon me kamerën e palëvizshme në pajisje, duke e komanduar të bëjë fotografinë e një selfie të shfaqur në ekranin e S10 5G. Aplikacioni S10 më pas i thotë aplikacionit tokësor që ta dërgojë imazhin përsëri në tokë dhe prej andej i dorëzohet konsumatorit për ta shpërndarë nëpër llogaritë e tyre të mediave sociale.
Përgatitja e S10 5G për udhëtimin në hapësirë
Me S10 5G, Samsung ka krijuar një telefon aq të qëndrueshëm sa të përballojë kushtet armiqësore dhe presionin buzë të hapësirës, pa izolim ose kornizë.
S10 5G iu nënshtrua testimit rigoroz në stadin fillestar dhe ishte në gjendje t’i rezistonte temperaturave deri në -65°C. Me një ekran Dynamic AMOLED 6.7 inç, ekrani S10 5G është testuar për të siguruar që nuk do të plasaritet ose të kondesohet në lartësi të mëdha.
Nga aftësia Power Sharing e deri në Inteligjencën Artificiale dhe Wi-Fi Inteligjent, S10 5G është një nga pajisjet më inteligjente, të fuqishme dhe të qëndrueshme të Samsung.
Deri më sot, vetëm astronautët kanë pasur mundësinë të bëjnë një selfie në hapësirë. Tani, me Samsung, konsumatorët do të kenë mundësinë të shohin veten në hapësirë, pikërisht nga pëllëmbët e duarve.
Në vitin 2014, Samsung bashkëpunoi me Ellen DeGeneres në Oskar për të kapur një nga selfiet më të famshme ndonjëherë. Në vitin 2019, ai është duke vendosur një standard të ri të asaj që është e mundur për teknologjinë celulare duke i dhënë gjeneratës së selfie-ve mundësinë për të realizuar shkrepjet më të jashtëzakonshme.
Will Lion, Partner Menaxherial në BBH London, tha: “Reklamimi i telefonave është njësoj: telefona me shkëlqim në kënde të bukura me foto të modës. Ne donim tregonim sa epikë janë telefonët Samsung duke i ndihmuar njerëzit bëjnë fotografinë më të mahnitshme të jetës së tyre – nga hapësira – dhe ndoshta thjesht të trondisnim internetin dhe të fuqizonim shitjet përpara Krishtlindjeve. ”
Kjo është një fushatë e themeluar mbi argëtimin, origjinalitetin dhe kreativitetin. Samsung ka bashkëpunuar me një numër agjencish lider për të dhënë ndikimin maksimal. BBH ka punuar ngushtë me ekipin Samsung për të udhëhequr strategjinë, zhvillimin krijues dhe ekzekutimin, së bashku me partnerët e prodhimit Unit9 dhe FlightLine Films. Fleishman Hillard Fishburn ka nxitur aktivizimin e mediave dhe influencuesit. Publicis Sport & Entertainment ka negociuar me Starcom që mbështet fushatën përmes amplifikimit të mediave me pagesë
“Për të festuar ndodhinë e gjërave të mahnitshme në ekranet Samsung, ne vendosëm të çojmë selfie-t në një nivel të ri dhe t’u japim njerëzve një shans për të dërguar fytyrën e tyre në hapësirë. Ne donim t’i merrnim konsumatorët tanë në udhëtimin tonë përtej të zakonshmes – t’i bëjmë ata pjesë të historisë tonë të inovacionit në një mënyrë argëtuese.” thotë Benjamin Braun, Drejtor i Marketingut, Samsung Europe. “Ne vazhdimisht po shtyjmë kufijtë e asaj që është e mundur dhe me SpaceSelfie, do të tregojmë se gjëra të mahnitshme vazhdojnë të ndodhin duke përdorur teknologjinë Samsung – madje edhe nga hapësira.”
Për informacione të mëtejshme, si dhe për të çuar selfie-n tuaj në hapësirë, vizitoni www.samsung.com/spaceselfie
Rreth Samsung Electronics Co, Ltd
Samsung frymëzon botën dhe modelon të ardhmen me idetë dhe teknologjitë e tij transformuese. Kompania po ridimensionon botën e televizorëve, smartfonëve, pajisjeve që mbahen në trup, tabletëve, aparateve dixhitale, sistemeve të rrjetëzimit dhe memorieve, sistemeve LSI, zgjidhjeve teknologjike dhe LED.
Shpërndaje në
SONDAZH
Loading ...
