Mbrojtësi i Barcelonës, Gerard Pique dëshiron rikthimin e yllit të PSG-së, Neymar në “Camp Nou”.
Braziliani dëshiron largimin nga gjiganti francez dhe është i lidhur me një kalim te Barcelona, klub nga i cili u largua dy vite me parë për 222 milionë euro.
Klub tjetër i interesuar për kapitenin e Brazilit është Real Madridi, transmeton KosovaPress.
Spanjolli ka thënë se tërë klubi do të gëzohej nëse do të rikthehej 27-vjeçari.
“Sigurisht që dua që të rikthehet. Është diçka që nuk mund ta kontrollojmë. Do të shohim në ditët e ardhshme. Ka menduar për gjithçka dhe nuk ka bërë ndonjë gjë gabim”, deklaroi ai.
Neymar për gjigantin francez ka shënuar 51 gola në 58 ndeshje, të cilët fituan dy herë Ligue 1.
