Gazetari Mentor Buzhala, i cili që nga fillimi e kishte përcjellë dhe kishte raportuar për projektin e autostradës Prishtinë-Gjilan, tregon se e njëjta, që nga fillimi i saj është karakterizuar me shkelje dhe dyshime.
Pavarësisht se kishin aplikuar, ishin përzgjedhur kompanitë dhe çmimet që ishin paraparë, të gjithë operatorët ekonomikë të përfshirë në ndërtimin e kësaj autostrade kanë bërë aneks kontrata me Ministrinë e Infrastrukturës.
Buzhala thotë se Qeveria në vitin 2022 kishte kryer 70 për qind të pagesave, përfshirë edhe për punët që nuk kishin nisur fare në autostradën Prishtinë-Gjilan.
