Mosmarrëveshjet mes qytetarëve shpesh herë përcillen me ofendime e kërcënime ndaj njëri-tjetrit. Madje nuk janë të rralla rastet kur ato shpërthejnë në dhunë, duke u përleshur fizikisht mes vete. Një rast i tillë ka ndodhur edhe të mërkurën në Istog.
Kosovalive merr vesh se Policia ka arritur ta identifikojë dhe arrestojë edhe personin e dytë të dyshuar për përfshirje në këtë rast.
Pas intervistimit, me urdhër të Prokurorit, i dyshuari është dërguar në mbajtje për 48-orë, pasi po dyshohet për veprën penale “Pjesëmarrje në rrahje”.
Burimet e Kosovalive kanë bërë më dije se fillimisht rasti ishte iniciuar si “Vrasje në tentativë”, mirëpo pas konsultimeve me Prokuroren, vepra penale është riklasifikuar dhe aktualisht po trajtohet si “Shkaktim i rrezikut të përgjithshëm” dhe “Pjesëmarrje në rrahje”.
Organet kompetente po vazhdojnë hetimet për zbardhjen e rrethanave dhe detajeve të ngjarjes.
