Policia e Ferizajt e ka arrestuar dje një person në fshatin Dardani të kërkuar me urdhëresë të lëshuar nga Gjykata Themelore në Ferizaj.
Në njoftimin e lëshuar për media thuhet se i arrestuar është L.H. 30 vjeç, ishte në kërkim për veprën penale “lëndim i lehtë trupor”, për të cilën ishte dënuar me dhjetë muaj burgim.
“Pas përfundimit të procedurave të nevojshme policore dhe kompletimit të dokumentacionit përkatës, personi është dërguar për vuajtjen e dënimit”.
“Policia Rajonale e Ferizajt do të vazhdojë me zbatimin e urdhëresave gjyqësore ndaj të gjithë personave që nuk i janë përgjigjur thirrjeve të gjykatës, duke kontribuar në forcimin e sundimit të ligjit dhe garantimin e sigurisë publike”, thuhet në njoftim.
