Një stuhi bore ka përfshirë Stambollin që nga e enjtja, duke vështirësuar aktivitetet e përditshme të qytetarëve, duke shkaktuar vonesa në transportin ajror, detar dhe tokësor dhe duke detyruar shkollat të mbyllen për të dytën ditë.
Stuhia solli një rënie të ndjeshme të temperaturës dhe reshje të dendura bore, duke arritur kulmin të premten.
Ndërprerje u raportuan në dy aeroportet kryesore të Stambollit, përkatësisht Aeroportin e Stambollit në anën evropiane dhe Aeroportin Sabiha Gokcen në anën aziatike.
Mediat lokale raportuan për aksidente të vogla në rrugë me akull, ndërsa shërbimet e trageteve pësuan anulime dhe vonesa.
Guvernatori i Stambollit, Davut Gul njoftoi se të gjitha institucionet arsimore në qytet do të mbeten të mbyllura.
Plani i reagimit ndaj katastrofave të Stambollit është në veprim në të 39 qarqe , me përpjekjet për pastrimin e zonave të mbuluara me borë në vazhdim, tha Gul.
Zyra e Guvernatorit të Stambollit tha se mbi 1000 njerëz të pastrehë ishin vendosur në strehimore.
Kryetari i Bashkisë së Stambollit Ekrem Imamoglu u kërkoi qytetarëve të shmangin drejtimin e automjeteve, të përdorin transportin publik ose të përmbahen nga daljet jashtë nëse nuk është absolutisht e nevojshme.
Autoritetet parashikojnë se stuhia e borës do të zgjasë deri në mëngjesin e së hënës, me temperatura të luhatshme nën zero gjatë natës.
