Sekretarja e Përgjithshme e PDK’së Vlora Çitaku, ka reaguar pasi Kurti po zhvillon takime për formimin e Qeverisë së re në zyrën e kryeministrisë.
Ajo ka bërë një paralelizëm me ish-liderët e Kosovës, duke e cilësuar Kurtin si një kryeministër që e ka shndërruar zyrën e shtetit në zyrë partie dhe që përdor pushtetin për presion politik në vend të dialogut.
“Mbyllni sytë për një çast dhe imagjinoni sikur Hashim Thaçi, Isa Mustafa apo Ramush Haradinaj të kishin bërë atë që po bën Albin Kurti sot. Do të kishte shpërthyer një revoltë e madhe!”, ka thënë ajo.
Çitaku e ka akuzuar Kurtin se po i shkel ligjet, derisa i tha se Kosova nuk është pronë dhe se nuk është parti.
“Imagjinojeni një Kryeministër që, në vend se të shërbejë popullin, e shndërron zyrën e shtetit në zyrë partie. Që përdor pushtetin e tij për të zhvilluar pazare politike prapa dyerve të mbyllura. Që thërret përfaqësues të komuniteteve jo-shumicë, jo për t’i dëgjuar, por për t’i nënshtruar. Jo për dialog, por për presion. Albin, Kosova nuk është parti. Kosova nuk është pronë.”, ka shkruar ajo në Facebook.
Postimi i plotë:
