Afrim Atashi nga Agjencia Kundër Korrupsionit ka folur rreth deklarimit të pasurisë së zyrtarëve.
Ai thotë se ndonjëherë është e vështirë të identifikohen pasuritë, pasi ka zyrtarë që kanë shtetësi të dyfishtë, e madje kanë pasuri edhe në vende të tjera, transmeton Klankosova.tv.
“Kemi zyrtarë publik, shtetas të Kosovës, të cilët kanë pasuri edhe në vende të tjera, për shembull në Shqipëri, Mal të Zi, në Serbi, sepse kemi shtetas serbë që kanë shtetësi të dyfishtë e kanë pasuri atje, dhe këto janë shumë vështirë të identifikueshme. Është bërë përpjekje që të bëhet një marrëveshje regjionale për identifikimin e këtyre aseteve. Deri më tani nuk kemi arritur ta nënshkruajmë këtë marrëveshje, ndoshta edhe për shkaqe politike”, tha ai për “Fol me Arin”.
Ai tregon edhe procedurën nëse ndonjë zyrtarë deklaron rrejshëm pasurinë.
Sakaq, sipas Atashit, raporti për deklarimin e pasurisë mund të publikohet në fillim të këtij muaji.
