“Duhet rifilluar puna pa vonesa”, thotë Sorensen pas vizitës në pikën kufitare Kosovë-Serbi

Emisari i Bashkimit Evropian për dialogun Kosovë-Serbi,  Peter Sorensen, ka vizituar një pikë kufitare mes Kosovës dhe Serbisë.

Kjo u bë e ditur përmes një postimi në rrjetin social “X”.

Sorensen thotë se është mbresëlënëse të shohësh dhe të informohesh për pikat e përbashkëta të kalimit.

“Ndërsa është bërë shumë, ne duhet të rifillojmë punën e mbetur pa vonesë. Ka të bëjë me lejimin e njerëzve dhe mallrave që të lëvizin lirshëm – një gur themeli i integrimit evropian”, ka shkruar Sorensen, njofton Klankosova.tv.

Emisari i BE-së po qëndron nga dje në Kosovë. Ai u prit nga krerët e shtetit por edhe nga opozita. Tema për të cilën Sorensen foli me të gjithë, ishte kryesisht dialogu.

Impressive to see and be briefed on the Common Crossing Points. While a lot has been done, we need to restart the remaining work without delay. It’s about allowing people and goods to move freely – a cornerstone of 🇪🇺 integration. Thanks to @NATO_KFOR for the logistics’ support! pic.twitter.com/SNwJBR7DNs

— EUSR for Belgrade-Pristina Dialogue (@EUSR_Dialogue) March 18, 2025

Shpërndaje në

U Kopjua