Vrasja e rreshterit Muhamed Lika tronditi jo vetëm Kaçanikun, por të gjithë vendin.
Gazetarja korrespodente, Çliresa Hasani thotë se ende nuk është bërë e ditur se si ka rrjedhur e gjithë ngjarja.
“Policët dhe ekipet policore kanë nisur menjëherë hetimet”, shtoi ajo për emisionin “Ora Shtatë”.
Rastin për Klankosova.tv e ka konfirmuar zëdhënësi i rajonit të Ferizajt, Kanun Veseli.
“Më 01.04.2025, rreth orës 23:00, kemi pranuar një informacion se një person është plagosur dhe gjendet në gjendje të rëndë në hyrje të ndërtesës së tij, në rrugën “Idriz Seferi” në Kaçanik. Viktima është një pjesëtar i Policisë së Kosovës Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik”, pati deklaruar Veseli.
