Kosova mbrëmë pësoi humbje 63:71 nga Britania e Madhe, në kuadër të ndeshjeve parakualifikuese për EuroBasket 2021.
Trajneri Damir Mulaomeroviq u ka lënë fajin gabimeve që sipas tij kanë ndëshkuar skuadrën.
“Ne kishim shanse për të fituar këtë lojë. Djemtë po luanin mirë, por mungesa e lojtarit kryesor të qendrës, Lis Shoshi pati shumë ndikim. Lojtarët kanë luajtur mirë në mbrojtje, por jemi ndëshkuar nga Britania e Madhe, në gabimet që kemi bërë”, nënvizoi Mulaomeroviq pas ndeshjes.
Për ndeshjen foli edhe basketbollisti Drilon Hajrizi:
“Loja ka qenë shumë i mirë, por ata kanë pasur përparësi në lojtarë më të gjatë dhe më me përvojë. Kemi edhe dy ndeshje dhe akoma besojmë në kualifikim”, deklaroi Hajrizi.
Kujtojmë që kjo është humbja e dytë e Kosovës, pasi dardanët janë mposhtur edhe nga Lituania, me të cilën do luajnë prapë me 14 gusht në Prishtinë.
Shpërndaje në
SONDAZH
Loading ...
