Nga nesër, Policia e Kosovës do të fillojë dërgimin e gjobave të trafikut në adresë të pronarit të automjetit për kundërvajtjet e identifikuara përmes kamerave dhe radarëve.
Lidhur me këtë, ka folur eksperti i komunikacionit, Nol Dedaj, transmeton Klankosova.tv.
Ai thotë se ky është proces i komplikuar, pasi sipas tij, do të dënohet pronari i makinës, jo vozitësi.
Po ashtu, ai shton se kamerat duhet të identifikohen me shenjë, në mënyrë që të ketë transparencë.
“Është e hera e tretë që tentohet për siguri të komunikacionit rrugor që të vendosen kamerat. Ajo çfarë është interesante, që edhe drejtuesit e automjeteve duhet me e pasë të qartë me shenjë komunikacioni, ku janë të vendosura ato kamera”, tha ai për “Ora Shtatë”.
“Pra çdo gjë duhet me qenë transparente, asgjë nuk duhet të jetë ilegale apo e fshehur, në mënyrë që të mos ndikohet në transparencën e drejtueseve të automjeteve”.
Po ashtu, Dedaj thotë se shpreson që ‘ia kanë qëlluar me kamera, se a i dinë ku ndodhin më shumë aksidente’.
