Live

Graçanicë: Hajnat vjedhin panele hekuri në vlerë prej 50 mijë eurosh

17:12 / 03 Prill 2025

Nga Kosova Live

Një rast i vjedhjes së rëndë është raportuar në fshatin Llapnasellë të Graçanicës, ku persona të panjohur kanë vjedhur një sasi të madhe të paneleve të hekurit, të cilat shërbejnë për ndërtimin e objekteve dhe depove.

Sipas merr vesh Kosovalive, Policia është njoftuar për rastin nga pronari i pronës, i cili ka deklaruar se vlera e dëmit të shkaktuar arrin rreth 50 mijë euro.

Menjëherë pas raportimit, në vendngjarje kanë dalë njësitë përkatëse të Policisë dhe kanë kryer ekzaminimet e nevojshme policore.

Për rastin është njoftuar edhe Prokurori i Shtetit, i cili ka urdhëruar që rasti të trajtohet si “Vjedhje e rëndë”.

Shpërndaje në

U Kopjua