Kreu i AAK-së, Ramush Haradinaj është takuar me hendbollistin Erion Bajramaj, i cili është një ndër shtyllat kryesore të Përfaqësueses U18 të Kosovës.
Pasi Kosova po përgatitet për Botërorin që do të mbahet në Egjipt, Haradinaj Erionit i uroi suksese, dhe tha se është i sigurt që Kosovën do ta përfaqësojnë me nder dhe krenari, transmeton Klankosova.tv.
“Erioni është djali i bashkëluftëtarit dhe bashkëpunëtorit shumëvjeçar, Blerim Bajramaj. I shpallur një ndër lojtarët më të mirë të grupmoshave të reja nga Federata e Hendbollit të Kosovës, është një ndër shtyllat kryesore të Përfaqësueses U18 të Kosovës. Pas triumfit të madh kundër Nigerisë në IHF Trophy Intercontinental, Erioni dhe djemtë tjerë të Përfaqësueses po përgatiten për Botërorin që do të mbahet në Egjipt, me ç’rast i urova suksese, i bindur se do ta përfaqësojnë Kosovën me nder dhe krenari! Kosova ka talentë që na bëjnë krenarë çdo ditë, e të rinjtë si Erioni janë pasqyra më e ndritur e vendit tonë. Fat e suksese të mëtejshme, Erion!”, ka shkruar Haradinaj në faqen e tij zyrtare në Facebook.
