Kryetari i AAK-së, Ramush Haradinaj, ka kujtuar të rënët e masakrave të Makocit të Komunës së Prishtinës, dhe të Hallaqit të Vogël të Komunës së Lipjanit.
Në një postim në Facebook, ai ka deklaruar se të rënët e kësaj toke janë dëshmia më e fuqishme se sa e shtrenjtë është liria.
“Më 20 prill 1999, vetëm në Makoc të Prishtinës, u masakruan 42 vëllezër e motra shqiptarë. Po atë ditë, në Hallaq të Vogël të komunës së Lipjanit, u martirizuan 20 civilë shqiptarë, prej tyre 3 nga vende të tjera”.
“Të rënët e kësaj toke janë dëshmia më e fuqishme se sa e shtrenjtë është liria. Sot, çdo përpjekje e jona për ndërtimin e vendit ka motiv heroizmin e luftëtarëve të lirisë dhe sakrificën sublime të martirëve tanë”, ka thënë Haradinaj. /Klankosova.tv
