SHBA-ja ka nënshkruar marrëveshje me Ukrainën për shfrytëzimin e përbashkët të burimeve të saj të energjisë dhe mineraleve, pas muajsh negociatash të tensionuara, raporton BBC, transmeton Klan Kosova.
E në një konferencë për media, zëdhënësi i Shtëpisë së Bardhë, Stephen Miller u pyet se kur do të jetë operacionale marrëveshja për mineralet.
Miller thotë se marrëveshja do të funksionalizohet “sa më shpejt që të jetë e mundur”.
Miller më pas tha se marrëveshja synon të paguajë “qindra miliarda dollarë që taksapaguesit tanë dyshojnë se kanë subvencionuar luftën”.
“Është një shlyerje ndaj Shteteve të Bashkuara,” shtoi Miller.
Megjithëse konferenca u përqendrua në disa çështje të brendshme, pati disa vërejtje mbi marrëveshjen e burimeve të Ukrainës.
Sekretarja e shtypit Karoline Leavitt tha se marrëveshja mundëson që “Shtetet e Bashkuara të marrin një aksion ekonomik” në sigurimin e paqes në Ukrainë. Ajo krijon një “fond që do të marrë 50% të honorareve, tarifat e licencës dhe pagesa të tjera të ngjashme nga projektet e burimeve natyrore në Ukrainë,” shtoi ajo.
Leavitt vlerësoi marrëveshjen “historike”, duke ia besuar atë “kryemarrëveshësit” Donald Trump.
