Shoqata Familjare e Personave të Zhdukur për Malishevë, “Kujtesa”, njofton se sot u informuan zyrtarisht nga Komisioni Qeveritar për Persona të Zhdukur dhe nga Mjekësia Ligjore për identifikimin e tre personave që konsideroheshin të zhdukur me dhunë gjatë luftës së fundit në Kosovë në vitet 1998/99, konkretisht me 04.04.1999 në Kralan të Gjakovës.
Ti identifikuarit janë: Mentor Maliq Kryeziu – Bubavec, Vehbi Pajazit Halilaj – Llapqevë dhe Sabedin Kadri Kryeziu – Mleqan, të gjithë nga komuna e Malishevës.
Ngas kjo shoqatë theksojnë se lidhur me datën e rivarrimit dhe procedurat e homazheve e të mbledhjes komemorative, do të njoftojnë me kohë.
Kushtrim Gara nga Komisioni Qeveritar për Personat e Zhdukur, për Klankosova.tv deklaroi se këto tri identifikime vijnë pas tetë identifikimeve të viktimave të tjera nga e njëjta masakër, mbetjet mortore të të ciëve u gjetën dhe zhvarrosën nga lokacioni i varrit masiv në Bishtazhin (vjeshtë 2023), për të cilat familjet u njoftuan gjatë javës së kaluar.
Ai shtoi numri total i të identifikuarve nga masakra e Kralanit është 11.
