Një shpërthim ka tronditur Zveçanin mesnatën e së hënës.
Cak ishte zyra e Postës së Kosovës atje.
Nga granata e dorës u shkaktuan dëme materiale, fatmirësisht nuk pati të lënduar.
Kjo temë u trajtua sot edhe nga Klan Kosova.
Eksperti i sigurisë, Avni Islami, tha në Kosova Today se Serbia do të mundohet ta mbajë të tensionuar veriun, deri në arritjen e një marrëveshje përfundimtare.
“Marrë parasysh strukturat ilegale të cilat kanë qenë të fuqishme deri para dy viteve dhe kur krahasimisht e marrim sot situatën në të cilën gjendemi, situata është tërësisht e ndryshme”, deklaroi Islami në Klan Kosova.
