Këngëtarja Laureta Gashi, e njohur me emrin artistik Asya Gashi, ka sjellë këngën e saj më të re “Babe Babe”, e cila po mirëpritet nga adhuruesit e shumtë.
Por, nuk mjafton vetëm kjo, pasi kënga e Asya, e cila dy këngë tjera i ka në gjuhën turke, ndërsa në këtë të fundit mbizotëron gjuha shqipe, është ngritur në vendin e tretë në shërbimin muzikor iTunes të Apple, duke shënuar kështu sukses të madh në karrierën e saj si këngëtare.
“Babe Babe” në kanalin zyrtar në YouTube për katër ditë ka marrë më shumë se 1 milion e 600 mijë klikime.
Asya Gashi ka studiuar në Fakultetin e Arteve të Universitetit të Prishtinës, para se të shkonte në Stamboll, për të vazhduar karrierën muzikore.
