Autoritetet e Malit të Zi rrënuan sot 10 stane të shqiptarëve në bjeshkët e Ishtedimit, për të cilat pretendohet se nuk kanë dokumente që vërtetojnë pronësinë e tyre.
EkonomiaOnline ka siguruar fotografi të cilat shpërfaqin stanet e rrafshuara me tokë.
Pronarët e këtyre staneve e kundërshtuan vendimin për rrënimin e staneve të tyre, por që nuk u morën parasysh.
E nga ana e institucioneve shtetërore të Kosovës nuk ka asnjë reagim.
Madje kryeministri në detyrë, Ramush Haradinaj sot ishte në vizitë në vendin e quajtur “Maja e Njeriut”, por që nuk zgjodhi të merret me hallet e qytetarëve.
