Mbrëmjen e 1 prillit, në hyrje të banesës së tij në Kaçanik, mbeti i vrarë polici Muhamed Lika.
Detaje të reja lidhur me këtë rast, ka sjellë gazetarja korrespodente, Çliresa Hasani, transmeton Klankosova.tv.
“Policia e Ferizajt ka njoftuar se hetimet kanë nisur teksa një person i dyshuar është në arrati”, tha ajo për “Fol me Arin”.
Qytetarë nga Kaçaniku thanë për Klan Kosova se polici i ndjerë ishte njeri i mirë e shembull për të tjerët dhe se nuk ka pasur probleme me askënd, teksa u shprehën se ndjehen të shokuar e të rënduar me gjithçka ndodhi natën e mbrëmshme.
