Vrasja e policit Muhamed Lika, e ka tronditur mbrëmë Kaçanikun.
Rreth ngjarjes së rëndë para mediave u deklarua kryetari i kësaj komune Besim Ilazi.
Ilazi tha se nuk dihen motivet e as autori i vrasjes së Likës.
Ai theksoi se rreshterin policor, tanimë të ndjerë e ka njohur si një njeri të edukuar dhe se nuk ka dëgjuar se kishte ndonjë shqetësim me dikë.
“Meqenëse komuna e Kaçanikut ka qenë një komunë mjaftë e qetë prej këtyre rasteve një rast që na ka shokuar të gjithëve dhe nuk i dimë ende motivet se si ka ndodhur ky rast. Por, megjithatë po presim të dhënat zyrtare që do të vijnë dhe atëherë do të kemi informacione të plota. Edhe ata nuk kanë asnjë lloj piste hetimi deri tani, së paku po flas nga fjalët e komandantit të Policisë, megjithatë organet e hetuesisë janë duke e bërë punën e vetë. Për mua është një çudi një rast i tillë sepse ka qenë një zyrtar policor dhe person dhe njeri mjaftë i edukuar dhe absolut nuk kemi dëgjuar asnjë rast të vetëm të shqetësimit që ka ndodhur nga ai. Për ata për neve ka qenë një rast i befasishëm”, tha Ilazi transmeton Klankosova.tv
Rreshteri policor, Muhamed Lika, do të varroset sot pas orës 17:00 në varrezat e Dëshmorëve në Kaçanik.
Ndërkaq, me fillim nga ora 14:30, Prokuroria Themelore e Ferizajt, do të mbajë një konferencë për media.
Aty do të paraqiten kryeprokurori Burim Çerkini dhe prokurori i rastit Ismet Rrahmani.
