Presidentja e vendit, Vjosa Osmani në 26 vjetorin e fillimit të sulmeve ajrore të NATO-s tha se 24 marsi ishte dita kur bota deokratike nuk heshti.
Përmes një postimi në llogarinë e saj në Facebook, Osmani tha se atë ditë “liria mori krahë”.
“Nga flaka e sakrificës dhe lufta çlirimtare, lindi Kosova e lirë! 26 vjet më pas, Kosova ecën krenare, sovrane dhe e palëkundur drejt të ardhmes më të ndritur”, shkroi mes tjerash Osmani.
Postimi i plotë:
24 Marsi, dita kur liria mori krahë!
Ishte dita kur bota demokratike nuk heshti!
Dita kur aleatët e NATO-s u ngritën kundër së keqes, për ta mbrojtur një popull që po luftonte për ekzistencë, i rrezikuar nga regjimi gjenocidal i Serbisë. Ishte dita kur ndaj errësirës triumfoi drita e shpresës.
Nga flaka e sakrificës dhe lufta çlirimtare, lindi Kosova e lirë! 26 vjet më pas, Kosova ecën krenare, sovrane dhe e palëkundur drejt të ardhmes më të ndritur.
Lavdi të gjithë të rënëve për liri!
Falënderim aleatëve që ndihmuan kauzën tonë për Kosovën shtet të lirë, të pavarur e sovran!
