Deputeti Faton Peci ka deklaruar se Lëvizja Vetëvendosje nuk heq dorë nga kandidimi i Albulena Haxhiut për kryetare të Kuvendit.
Ai para mediave tha se është e padrejtë që partitë e tjera që nuk e kanë fituar të drejtën për të propozuar emrin e kryetarit të Kuvendit, të kërkojnë të drejtën e tyre brenda VV-së dhe partnerëve të saj, njofton Klankosova.tv.
“Propozimi mbetet i njëjtë. Sa më shpejt që Opozita bindet që është e drejta ekskluzive e Vetëvendosjes për emrin e kryetarit të Kuvendit, do të kemi zhbllokim të Kuvendit”, tha Peci.
