Interi humbi dy pikë të rëndësishme pas barazimit 2-2 në Monza. Vendasit evituan disfatën falë autogolit të Dumfries në minutat shtesë, ndërkohë që zikaltrit protestuan ashpër për golin e anuluar të Acerbit, që do dërgonte sfidën në 1-3.
Kristjan Asllani, i cili u fut në fushë në pjesën e dytë (55’), krosoi bukur dhe mbrojtësi devijoi me kokë, por goli u anulua pasi arbitri kishte vërshëllyer më parë për një faull të paqenë të Gagliardinit ndaj Pablo Mari.
“Jemi të zemëruar. Pas pesë vitesh me VAR u bë një gafë shumë e rëndë. Po flasim për një barazim që erdhi pas një gabimi të pafalshëm”, u shpreh trajneri Simone Inzaghi.
I acaruar u shfaq për Sky Sport edhe Lautaro Martinez, autori i golit të dytë të Interit. “Peshoi shumë goli që nuk iu akordua Acerbit. Këto detaje bëjnë diferencën.
U bënë 4-5 vite me VAR dhe përsëriten sërish gabime të tilla. Nuk kam qenë kurrë pro teknologjisë, por është një risi në futboll dhe duhet të përshtatemi“, deklaroi fituesi i Botërorit me Argjentinën.
Shpërndaje në
SONDAZH
Loading ...
