Portieri i Arsenal, David Raya, ka shprehur besimin se skuadra londineze mund ta arrijë Liverpool në garën për titullin e Premier League.
Pas një fitores 2-1 kundër Tottenham të mërkurën, skuadra e drejtuar nga Mikel Arteta ka ngushtuar diferencën me liderin e tabelës në vetëm katër pikë.
Liverpool mbetet favorit për titullin, duke pasur një ndeshje më pak të zhvilluar, por Raya është optimist se gjithçka është e mundur në futboll.
“Po, sigurisht. Në futboll, çdo gjë mund të ndodhë”, ka deklaruar portieri spanjoll. “Para tri javësh, njerëzit thoshin se Liverpool e kishte titullin në duar. Por ky është futbolli dhe çdo gjë ndryshon brenda dy ose tri ndeshjeve. Duhet të fokusohemi te vetja, të përpiqemi të fitojmë çdo ndeshje dhe të shohim ku do të jemi në fund të sezonit. Nuk duam të mendojmë shumë larg, sepse kjo do të ndikonte keq. Duhet të jetojmë në të tashmen, kjo është gjëja më e rëndësishme”.
Arsenal tashmë po përgatitet për ndeshjen e radhës, ku të shtunën do të presë Aston Vill në “Emirates”.
Shpërndaje në
SONDAZH
Loading ...
