Në Veternik të Prishtinës, më konkretisht në rrugën “Richard Holbrooke”, është regjistruar një shembje dheu, ku raportohet për të lënduar.
Për shembjen e dheut e ka konfirmuar Drejtori i Zjarrfikësve në Prishtinë, Abdusamed Shkodra, i cili shtoi se ekipet janë duke ndërhyrë në terren për menaxhimin e situatës.
“Po operojmë aktualisht, ka pasur shembje të dheut përballë Gorenjes,” tha Shkodra për Klanin.
Sipas informacioneve, vendi ku ka ndodhur shembja është një vendpunishte.
Gazeta Kosovalive ka kontaktuar me Policinë e Kosovës, për të marrë informacione, por të njëjtit ende nuk kanë kthyer përgjigje.
