Me 7 gusht 2016 Majlinda Kelmendi u stolis me medaljen e artë në xhudo, duke hapur kështu një histori të re për sportin Kosovar.
Këtë ditë historike e ka kujtuar trajneri i saj Driton Kuka përmes një postimi në facebook.
“Kampione evropiane katër herë, kampione botërore dy herë, por e arta Olimpike ishte ajo që i mungonte dhe tashmë e kemi arritur në Rio de Janeiro!” u shpreh Kuka.
Krenaria e sportit Kosovar po vazhdon me përgatitjet për garat e ardhshme si dhe do të marrë pjesë në Olimpiadën e vitit 2020, që do të mbahet në Tokyo.
