Deputeti i Partisë Demokratike të Kosovës, Abelard Tahiri ka reaguar në dy vjetorin e fillimit të procesit gjyqësor ndaj presidentit Hashim Thaçi dhe të tjerëve.
Tahiri përmes një shkrimi në llogarinë e tj në Facebook, ka thënë se është i bindur që ata do të dalin triumfues.
“Sot bëhen dy vite nga fillimi i procesit gjyqësor ndaj Presidentit Hashim Thaçi dhe bashkëluftëtarëve të tij në Dhomat e Specializuara, ndërkohë që qëndrimi i tyre ne paraburgim ka kaluar tashmë katër vite.
Duke besuar thellësisht në të drejtën tonë si popull për liri dhe pavarësi, në luftën e drejtë të Ushtrisë Çlirimtare të Kosovës, si dhe në pafajësinë e tyre, jemi të bindur se ata do të dalin triumfues dhe, bashkë me ta, do të ngadhënjejë edhe e vërteta historike e popullit tonë” – ka shkuar Tahiri.
