Tifozët e Real Madridit nuk janë të kënaqur me fillimin e eksperiencës së dytë të Zinedine Zidanet në bankinën e “Los Blancos”. Një pjesë e tyre madje kërkojnë shkarkimin e trajnerit francez.
Real Madridi pësoi humbje nga Paris Saint-Germain, në ndeshjen e mbrëmshme në kuadër të fazës së grupeve të Ligës së Kampionëve.
“Los Blancos” humbën me rezultat 0:3 dhe paraqitja e tyre ishte e zbehtë.
Dhe, tifozët e Realit nuk janë të kënaqur aspak me situatën aktuale të ekipit, prandaj një pjesë e tyre kanë kërkuar të shkarkohet trajneri Zinedine Zidane.
Tabloidi britanik “The Sun”, shkruan se një pjesë e tifozëve kërkojnë nga presidenti Florentino Perez që ta shkarkojë trajnerin francez.
Zidane e kishte fituar tri herë radhazi trofeun e Ligës së Kampionëve me Real Madridin, ndërsa u rikthye në pjesën e dytë të sezonit të kaluar, i cili ishte dizastër për madrilenët.
