Agjencia rregullatore franceze për mbrojtjen e të dhënave (CNIL) ka gjobitur TikTok me pesë milionë euro për politikën e tij të cookies që u imponohen përdoruesve pa shpjegime të duhura.
Aplikacioni, i cili është në pronësi të kompanisë kineze ByteDance, ishte subjekt i mbikëqyrjes së CNIL nga viti 2020 deri në vitin 2022. CNIL zbuloi se mekanizmi i tij i refuzimit të cookie-ve ishte kompleks në një mënyrë të tillë që praktikisht i bindte përdoruesit të pranonin të gjitha cookie-t.
Cookies që lejojnë një ueb-faqe ose aplikacion të gjurmojë të dhënat e përdoruesit shpesh shërbejnë për një funksion të dobishëm, por në duar të gabuara teorikisht mund të shkelin privatësinë sepse në thelb gjurmojnë aktivitetet e njerëzve në internet.
CNIL doli në përfundimin se politika e TikTok-it për cookie-t ishte kundër Aktit Francez të Mbrojtjes së të Dhënave, sepse ai “shkel lirinë e pëlqimit të përdoruesve të internetit”.
CNIL zbuloi se TikTok ofroi një mënyrë të thjeshtë për të pranuar cookie-t, por jo një “zgjidhje ekuivalente” që do t’i lejonte një përdoruesi të internetit të refuzonte cookies në një mënyrë të thjeshtë.
Në vend të kësaj, përdoruesve u duheshin disa klikime për të refuzuar të gjitha cookie-t dhe vetëm një klik për t’i pranuar ato.
Shpërndaje në
SONDAZH
Loading ...
