Njëri nga pretendentët kryesorë për titullin e kampionit të Spanjës në futboll, Sevilla ka pësuar sonte humbje të papritur si vendës në duelin me Villarreal që renditet në pjesën e poshtme të tabelës në La liga.
Sevilla, e cila ka katër pikë më pak në tabelë se lideri Barcelona, pësoi disfatë me rezultat 1:2, duke komplikuar kështu gjërat në garën për kreun e tabelës.
Duke ditur se përballë kanë njërën nga skuadrat më të mira në La Liga, futbollistët mysafirë i hyrën ndeshjes me seriozitet të madh, gjë e cila iu shpagua me fitoren e re.
Raul Albiol fillimisht solli Villarreal në epërsi në minutën 13, derisa vendësit barazuan në pjesën e dytë përmes Munir El Haddadi në minutën 61.
Kur pritej që Seville të shënojë fitore, Karl Toko Ekambi në minutën 74 solli Villlarreal për herë të dytë në epërsi, i cili ishte edhe rezultati përfundimtar i takimit.
Sevilla pësoi kështu humbjen e katërt në këtë edicion garash, ndërsa Villarreal, i cili shënoi fitoren e gjashtë, mbetet në vendin e 12-të në tabelë me 22 pikë, pas 17 xhirosh të zhvilluara, transmeton KosovaLive.
Shpërndaje në
SONDAZH
Loading ...
