Paqja midis Rusisë dhe Ukrainës duket e pamundur. Në një konferencë për shtyp, zëdhënësi i Kremlinit Dmitry Peskov ka theksuar ditën e djeshme se shpresat për një paqe në Ukrainë janë të zbehta.
Ai vuri theksin gjithashtu se për momentin çdo dialog midis Rusisë dhe Ukrainës është i pamundur për arsye se bisedimet janë refuzuar plotësisht nga pala ukrainase. “Operacioni special ushtarak vazhdon”, shtoi zyrtari rus, i cili ka fajësuar presidentin Ukrainës për mungesën e negociatave.
Lufta midis Rusisë dhe palës ukrainase ka nisur me datë 24 shkurt dhe që nga ajo datë janë bërë përpjekje të vazhdueshme për shtrëngim duarsh por siç duket diçka e tillë nuk pritet të ndodhe në një të ardhme të afërme. Kujtojmë se thirrjet nga perëndimi për Kievin në lidhje me nisjen e bisedimeve me Moskën kanë qenë të vazhdueshme.
Në lidhje me këtë çështje dhe qëndrimi i Ukrainës ka qenë i qartë. Zyrtar Ukrainas kanë theksuar se Ukraina nuk i ka refuzuar kurrë bisedimet me palën ruse por diçka e tillë do të ndodhë vetëm në rast se trupat ushtarake ruse largohen nga territoret e Ukrainës. Kusht ky që nga pala ruse është e papranueshëm.
Në këtë pikë, është e pamundur të ketë negociata mes palëve. Si rrjedhojë dhe Rusia do t’i arrijë qëllimet e saj në Ukrainë me anë të vazhdimit të operacionit special ushtarak. Edhe pse deri më tani nuk ka pasur një tryeze bisedimesh Uashingtoni ka bërë disa tentativa për të bindur Zelenskyn që të jetë ‘më bashkëpunues’ me Rusinë.
Ndërkohë Kievi thekson se situata është nën kontroll dhe përjashton mundësinë e evakuimit total. Forcat ukrainase po i shtyjnë ngadalë trupat ruse në disa zona të lindje dhe të jugut.
Sipas OKB-së lufta e Rusisë kundër Ukrainës ka vrarë të paktën 6,655 civilë dhe ka plagosur të paktën 10,368 njerëz, shifër kjo që mendohet të jetë jo reale pasi shumë raporte për viktima civile ende nuk janë konfirmuar.
Shpërndaje në
SONDAZH
Loading ...
