Janë ndarë 70 mijë euro për botimin e librit “Reçaku” të ambasadorit William Walker.
Në mbledhjen e qeverisë të mbajtur të mërkurën gati krejt anëtarët e kabinetit qeveritar votuan pro këtij vendimi.
Por, ishte ministri për Komunitete dhe Kthim Nenad Rashiq, ai i cili nuk u pajtua dhe abstenoi.
Ndërsa, kryeministri i Kosovës Albin Kurti, foli rreth rëndësisë që ka ky libër.
“Këtë të diel bëhen 24 vite nga Masakra e Reçakut që tmerroi dhe tronditi Kosovën, por edhe e ndërgjegjësoi dhe e alarmoi botën demokratike dhe diplomacinë ndërkombëtare. Para jush keni propozim-vendimin për ndarjen e 70 mijë eurove për hulumtimin, shkrimin, editimin, përkthimin dhe shtypjen e librit të memoareve të ambasadorit William Walker dhe të Masakrës së 15 janarit 1999 në fshatin Reçak dhe peshës historike të kësaj ngjarje. Libri do të përshkruajë ngjarjet e ndërlidhura me Masakrën e Reçakut të paraqitura nga këndvështrimi i ambasadorit Walker të treguara nga perspektiva e tij personale si shef i misionit verifikues të OSBE-së”, tha Kurti.
Shpërndaje në
SONDAZH
Loading ...
