Artan Behrami, këshilltari i ish-Presidentit Hashim Thaçi ka reaguar pasi nuk është votuar aplikimi i Kosovës për tu futur në agjendën për anëtarësim në Këshillin Evropian.
Behrami përmes një postimi në Facebook ka thënë se kjo vërteton se procesi i aplikimit të Kosovës në Këshillin e Evropës nuk ka qenë i koordinuar me partnerë strategjikë të Kosovës.
“Rrëzohet aplikimi i Kosovës për anëtarësim në KiE ( Italia, Franca, Gjermania dhe Britania janë shprehur kundër futjes së Kosovës në agjendë) Mosvotimi i sotëm për të futur Kosovën në agjendë e vërteton atë që kemi dyshuar që nga fillimi: se procesi i aplikimit të Kosovës në Këshillin e Evropës nuk ka qenë i koordinuar me partnerë strategjikë të Kosovës. Kjo Qeveri e ka përmbysur parimin e etabluar në politikën e Jashtme që Kosova nuk aplikon në asnjë organizatë pa koordinim me partnerë ndërkombëtarë dhe pa qenë të bindur se kërkesa mund të kalojë.” – ka thënë Behrami.
Ai tutje ka shkruar se mos votimi i sot është një goditje e rëndë për përpjekjet disavjeçare për të forcuar subjektivitetin ndërkombëtar të Kosovës.
“Mosvotimi i sotëm është një goditje e rëndë për përpjekjet disavjeçare për të forcuar subjektivitetin ndërkombëtar të Kosovës. Kosova është shumë fragjile për të provuar eksperimente, të cilat që nga fillimi janë të projektuara për të dështuar! Ky është edhe një mesazh për kryeministrin Kurti: se çdo proces për avancimin e Kosovës në agjendën euroatlantike ndërlidhet me sukses në dialogun Kosovë – Serbi.” – ka thënë ai.
Behrami ka kërkuar nga Osmani dhe Kurti që ta shkarkojnë ministren e Punëve të Jashtme, Donika Gërvalla.
“Presidentja Osmani dhe kryeministri Kurti qysh sonte duhet ta shkarkojnë të paktën ministren e Punëve të Jashtme, Donika Gërvalla. Me këtë harxh në shtëpi duhet të shkojë edhe sekseri i tyre, Martin Berishaj.” – ka përfunduar Behrami.
Shpërndaje në
SONDAZH
Loading ...
