Kryetari i Klinës, Zenun Elezaj, ka publikuar pamje të qytetit pas vërshimeve.
Elezaj ka shkruar se vërshimet kanë dëmtuar prona publike, shtëpi e biznese, dhe sipas tij dëmet janë të mëdha.
I pari i Klinës ka kërkuar mbështetjen e Qeverisë së Kosovës për të përmbushur kërkesat e qytetarëve.
“Pamje nga vërshimet në Klinë. Prona publike të dëmtuara e shtëpi dhe biznese të përmbytura. Dëmet që kanë lënë pas vërshimet e fundit janë jashtëzakonisht të mëdha. Aq sa janë dëmet e mëdha janë edhe kërkesat e qytetarëve për kompensim të dëmeve, sepse riparimet duhet të fillojnë menjëherë. Ne në bazë të mundësive tona nuk do të kursejmë asgjë për t`ju dalë në ndihmë secilës familje e biznes të dëmtuar, por është e domosdoshme ndihma e Qeverisë së Kosovës për të përmbushur kërkesat e shumta e të arsyeshme të qytetarëve.” – ka shkruar ai në Facebook.
Shpërndaje në
SONDAZH
Loading ...
