Situata në terren pas tërmetit me magnitudë 7.8 që tronditi Turqinë dhe Sirinë të hënën është “më katastrofike” në Siri, sipas drejtorit të vendit në Gaziantep, Turqi, për Fondacionin e Shoqërisë Mjekësore Siriane Amerikane (SAMS), shkruan CNN.
“Është një situatë katastrofike si në Turqi ashtu edhe në Siri – edhe pse në Siri është më katastrofike”, tha Dr. Bachir Tajaldin për CNN të martën.
Mbi një dekadë konflikti në Sirinë veriore ka nxitur “një situatë të keqe ekonomike” duke e bërë shumë të vështirë përgjigjen ndaj krizës aktuale, sipas Tajaldin.
Në të kundërt, “situata në Turqi është e koordinuar nëpërmjet një qeverie shumë të mirëvendosur,” shpjegoi ai, duke shtuar se në Sirinë veriore “shumica e shërbimeve ofrohen nga OJQ” për shkak të mungesës së investimeve afatgjata në rimëkëmbjen e hershme dhe infrastrukturës.
Siria Veriperëndimore, e cila është prekur nga tërmeti, ka qenë në konflikt që nga fillimi i luftës civile në vend. Disa pjesë, duke përfshirë Idlib, janë ende të kontrolluara nga rebelët antiqeveritar.
“Dje [në Sirinë veriore] ne evakuuam dy maternitete për shkak të ndikimit fizik të tërmetit në infrastrukturë”, shtoi Tajaldin.
Shpërndaje në
SONDAZH
Loading ...
