“Ëndërrojmë se jemi në Serbi, por realiteti është ndryshe”, ka thënë kryetari i Forumit Kombëtar Serb, Momçilo Trajkoviq, në emisionin Rindërtimi në televizionin N1, i cili është xhiruar në Graçanicë, përcjell kosovalive.net.
“Sapo të largoheni nga Graçanica dhe të ndaloni së shikuari flamujt, do të shihni pamjen më të madhe. Jo Kosova, por Shqipëria. Reciprociteti për të cilin insiston Kurti, këtu është flamuri serb në Graçanicë, Vuçiq, përndryshe Kosova do të pushtohet nga Shqipëria e madhe, që është një mesazh i qartë se ku jetojmë”, tha Trajkoviq.
Trajkoviq shtoi se më shumë serbë jetojnë në jug të Ibrit dhe tha se serbët dalëngadalë po zhduken nga Kosova, në radhë të parë për shkak se nuk ka perspektivë.
“Ndihemi si qengjat para therjes, nuk e dimë se çfarë do të ndodhë nesër. Njerëzit nuk mendojnë të qëndrojnë këtu për një kohë të gjatë”, thotë Trajkoviq.
“Për të mbijetuar në Kosovë duhet të veprojmë përmes institucioneve, nuk ka rrugë tjetër”, beson Marinkoviq.
“Për të qëndruar duhet të bëjmë paqe me shqiptarët. Duhet ta ndryshojmë politikën e Beogradit ndaj serbëve, duhet të jetë një politikë e përgjegjshme”, thotë Marinkoviq.
A kanë nevojë serbët për Asociacionin?
Kur është fjala për Asociacionin e komunave me shumicë serbe, Momçilo Trajkoviq beson se ai është “guri i fundit në themelin e shtetit të pavarur të Kosovës”.
“Jam i habitur si është e mundur që presidenti ta kërkojë formimin e Asociacionit, i cili nuk mund të ekzistojë nëse Serbia nuk e njeh Kosovën. Është lojë dhe blerje e kohës, Vuçiq e di që Kurti nuk do ta pranojë. Kurti e di se Vuçiq nuk do të pajtohet me Asociacionin në kuadër të Kushtetutës së Kosovës. Tani kjo është të blesh kohë”, thotë ai.
Shpërndaje në
SONDAZH
Loading ...
