Punëtorët e Korporatës Energjetike të Kosovës po vazhdojnë ta kundërshtojnë Ligjin për Pagat në Sektorin Publik, që hyn në fuqi në dhjetor të këtij viti, e me të cilin parashihet ulje e pagave të tyre, ku dhe kanë kërcënuar se mund ta lënë Kosovën në terr.
Ata kërkojnë largimin e tyre nga ky ligj, duke thënë se nuk mund të trajtohen njësoj si shërbyesit civilë.
Nëse nuk plotësohet kërkesa e tyre, punëtorët edhe Sindikata e Re e KEK’ut kërcënojnë se do ta lënë vendin në terr.
Në mbështetje, punëtorëve u ka dalë edhe menaxhmenti i kësaj ndërmarrjeje publike, që thotë se punëtorët kryejnë punë të madhe e të vështirë dhe meritojnë paga të dinjitetshme, raporton KTV.
Drejtori menaxhues i KEK’ut, Njazi Thaçi, shpreson se institucionet do të marrin hapa konkretë për ndryshimin e ligjit ose, në të kundërtën, thotë se do t’u bashkohet punëtorëve deri në përmbushjen e kërkesave të tyre.
Sindikata e Re e KEK’ut tashmë ka deponuar ankesë tek institucioni Avokati i Popullit, i cili është duke e shqyrtuar atë para se ta dërgojë çështjen në Gjykatën Kushtetuese.
Ligji për Pagat në Sektorin Publik është miratuar në shkurt të këtij viti, e që atëherë ky ligj është kundërshtuar nga punëtorët e KEK’ut.
Shpërndaje në
SONDAZH
Loading ...
