Ndotja e ajrit është një ndër problemet më të mëdha mjedisore në Kosovë, pasi grimcat (PM) janë një nga ndotësit më shqetësues në ajër.
Për të adresuar çështjen e ndotjes së ajrit në Kosovë, Ministria e Mjedisit ka thënë se janë marrë disa masa nga Agjencinë për Mbrojtjen e Mjedisit te Kosovës (AMMK) si përgjegjëse për monitorimin e cilësisë së ajrit dhe ofrimin e informacionit për publikun.
Sipas agjencisë, ndotja e ajrit dhe nivelet e PM në Kosovë janë një shqetësim serioz, por ka mënyra për të cilat ndërmerren të ndërmarrim veprime për të ndihmuar në përmirësimin e cilësisë së ajrit.
“Duke reduktuar konsumin tonë të energjisë, duke përdorur transportin publik dhe duke adoptuar praktika të qëndrueshme në jetën tonë të përditshme, ne të gjithë mund të bëjmë pjesën tonë për të ndihmuar në mbrojtjen e mjedisit tonë dhe të shëndetit të komuniteteve tona”, thotë kjo agjenci.
Dihet që PM i referohet një përzierje grimcash të ngurta dhe të lëngshme që janë pezull në ajër, të njohura si PM10 dhe PM2.5. Sipas AMMK-së, në Kosovë, burimet primare të PM i atribuohen aktiviteteve njerëzore siç janë dhe prodhimi i energjisë nga thëngjilli, transporti, aktivitetet industrial dhe djegiet e vogla nga amvisëritë dhe shërbimet. Gjatë muajve të dimrit, nivelet e PM në Kosovë priren të jenë më të larta për shkak të djegies së thëngjillit, drurit dhe biomasës tjetër për ngrohje dhe për prodhim të energjisë.
Efektet e PM në shëndetin e njeriut janë të dokumentuara ku tregojnë që ekspozimi afatshkurtër ndaj PM mund të shkaktojë acarim të syve, hundës dhe fytit dhe të përkeqësojë gjendjen ekzistuese të frymëmarrjes dhe sistemeve kardiovaskulare. Ekspozimi afatgjatë ndaj PM shoqërohet me rrezik të shtuar të kancerit të mushkërive, sëmundjeve të zemrës dhe sulm në tru.
Shpërndaje në
SONDAZH
Loading ...
