Kroacia iu bashkua zonës Shengen të dielën, duke shkaktuar potencialisht një rritje në sektorin e saj të turizmit. Tashmë, avionët që fluturojnë drejt dhe nga Kroacia brenda kësaj zonës, do të trajtohen si fluturime të brendshme.
Ndonëse Bashkimi Evropian ra dakord të lejojë Kroacinë në zonën e udhëtimit në dhjetor 2022, Bullgarisë dhe Rumanisë rekomanduan të prisnin më gjatë për t’u lejuar të hynin.
Një nga arsyet pse Kroacia donte të bashkohej me zonën Shengen ishte nxitja e industrisë së saj të turizmit. Vitin e kaluar, sektori i turizmit të vendit përbënte 20% të PBB-së së tij.
Me këtë rast, EuroNews raporton se aeroporti më i madh i vendit, Zagrebi, ka investuar një milion euro në përditësimin e terminaleve të tij, duke krijuar më shumë hapësirë për zonat e pritjes dhe ngritjen e kioskave shtesë për regjistrimin e pasagjerëve nga vendet jashtë Shengenit.
Zona Shengen është zona më e madhe e udhëtimit të lirë në botë. Ajo tani përfshin 27 vende, duke përfshirë 22 shtete të BE-së, Islandën, Lihtenshtajnin, Norvegjinë dhe Zvicrën.
Shpërndaje në
SONDAZH
Loading ...
