Shefi i Twitter, Elon Musk, ka njoftuar një ndryshim të veçorisë me pagesë të Twitter Blue të platformës së rrjeteve sociale.
Nga 15 prilli, vetëm abonentët e verifikuar do të kenë postime të rekomanduara për përdoruesit e tjerë dhe do të lejohen të votojnë në sondazhe.
Sipas rregullave, postimet nga llogaritë që nuk paguajnë nuk do të përfshihen në rrjedhën “For you” të cicërimave të rekomanduara.
Javën e kaluar, kompania tha se do të hiqte statusin e verifikuar të disa llogarive “të trashëguara”, të cilat datojnë para se Musk ta blente Twitterin.
Përdoruesit aktualisht paguajnë 7 dollarë në muaj për verifikimin e llogarisë me shenjën blu, e cila gjithashtu lejon qasjen në veçori shtesë.
Musk tha se ndryshimet ishin “e vetmja mënyrë realiste për të adresuar grupet e avancuara të AI-ve që po merrnin përsipër. Përndryshe është një betejë e pashpresë e humbur”.
“Votimi në poll-e do të kërkojë verifikim për të njëjtën arsye”, shtoi ai.
Në një postim të mëparshëm, Musk tha se verifikimi me pagesë rrit ndjeshëm koston e përdorimit të robotëve dhe e bën më të lehtë identifikimin e tyre.
Shpërndaje në
SONDAZH
Loading ...
