Presidenti ukrainas Volodymyr Zelensky është takuar me ministrin e tij të Mbrojtjes, Rustem Umerov, pasi Rusia nisi një nga sulmet e saj më të mëdha të luftës në Ukrainë gjatë natës.
“Këtë vit, ne duhet të tejkalojmë shumë objektivat e planifikuara fillimisht të prodhimit dhe furnizimit me dronë për ushtrinë”, shkroi Zelensky në X.
Zelensky tha gjithashtu se Ukraina po përgatit “hapa jokonvencionalë” për të forcuar mbrojtjen e saj.
“Ukrainës i duhet një momentum më pozitiv në marrëdhëniet me Shtetet e Bashkuara dhe në të njëjtën kohë, kërkohen hapa të rinj në menaxhimin e sektorit tonë kombëtar të mbrojtjes”, shtoi ai, shkruan Skynews, transmeton Klankosova.tv.
