Nënkryetari i Partisë Demokratike të Kosovës (PDK), Enver Hoxhaj, ka akuzuar strukturat serbe të sigurisë për sulmin e djeshëm mbi Konsullatën e Kosovës në Danimarkë.
Në një postim në rrjetin social “Twiter” Hoxhaj ka thënë se ky sulm është i orkestruar mirë nga strukturat shtetërore të Serbisë.
“Sulmi në konsullatën tonë në Danimarkë, në fillim u duk se ishte sulm i tifozëve huliganë të sportit, por doli të ishte një veprim i planifikuar nga struktura shtetërore të sigurisë serbe,” ka shkruar Hoxhaj në Twitter.
