Këngëtari Butrint Imeri ka mbajtur një koncert me rastin e 17 shkurtit në Brescia të Italisë.
Ai ka performuar para fansave të tij shqiptarë në Itali, këngët e tij më të suksesshme ndër vite.
Butrinti kohëve të fundit është kthyer në një prej personazheve më të përfolur ditëve të fundit në media, kjo pasi ish-e dashura e tij Kiara Tito është futur në shtëpinë e Big Brother VIP Albania.
Gjatë qëndrimit në këtë shtëpi, ajo ka krijuar një lidhje me këngëtarin shkodran Luiz Ejlli, i cili njihet si një prej konkurrentëve më të fortë në BBVA.
E kur jemi te Kiara, pikërisht në koncertin e fundit fansat kanë bërë një pyetje mjaft provokuese për këngëtarin nga Kosova.
Në videot e publikuara në rrjetet sociale, mund të shihet se si ata kanë shkruar në telefon pyetjen “A të mungon Kiara”.
Butrinti pavarësisht se e ka parë këtë gjë, ka denjuar të përgjigjet duke vazhduar koncertin me repertoarin e tij.
Përndryshe në fillim të BBVA, këngëtari Imeri kishte shprehur publikisht mbështetjen për Kiarën duke publikuar në InstaStory një fotografi të saj, shoqëruar me një emoji në formë kurore. /Telegrafi/
